اشوف ساعاتي بقربك قصيره
مثل السحاب اللي عن الافق ينزاح
انسيتني اهلي ، وكل العشيره
ما نيب عنك شارد الفكر نزاح
من السهر صارت عيوني ضريره
على وليف باهي الخد مزاح
له طلعتن مثل القمر مستديره
وله مبسم يسبي المخاليق ذباح
وله نظرة تطرد هموم كبيره
وله ضحكة فيها مزامير ، وافراح
وله بسمة تجبر قلوب كسيره
وله قامة فيها شذى المسك فواح
حبيتها يا ناس طفله صغيره
واليوم شفت الشيب في مفرقي لاح
