عز الله انك عندنا خير رسام
ما شفت مثلك بالبها والقيافه
انت الذي حبك ترجع على الهام
كم نعترف لك بالذكا والحرافه
يكفيك عن صوتي حروفي والانغام
حرفك تميز بالنقا والظرافه
ويكفيك انك علمنا وغيرك أحلام
هذا ودادي دون زيف وجحافه
حبك غناتي رغم حاقد ونمام
اللي سعوا بفراقنا والحسافه
غلاك قصره بالحشا طول الايام
ارسى من جبال الهدا والرصافه
انكانهم فرحوا بتفريق والاجسام
روحك وروحي في عناق ولطافه
